Bajden padpisaŭ ukaz ab pastaŭcy Ukrainie ŭzbrajeńnia pa lend-lizie. Heta druhi lend-liz u historyi
Prezident ZŠA Džo Bajden padpisaŭ ukaz ab pastaŭcy Ukrainie ŭzbrajeńnia pa lend-lizie.
Skrynšot: tranślacyja «Hołasa Amieryki»
Dakumient nosić nazvu The Ukraine Democracy Defense Lend-Lease Act of 2022 («Akt ab lend-lizie ŭ abaronu ŭkrainskaj demakratyi»).
Jon praduhledžvaje mahčymaść nieadkładnaj pastaŭki ŭzbrajeńniaŭ va Ukrainu z adterminoŭkaj apłaty.
Heta druhi lend-liz u historyi. Dziakujučy pieršamu, udałosia złamać chrybiet Hitleru. Simvalična, što druhi byŭ padpisany ŭ dzień pieramohi nad nacyzmam.
Z pačatku vajny ZŠA akazała vajennuju dapamohu Ukrainie na $2,4 młrd. Heta pastaŭki supraćtankavych i supraćzienitnych rakietnych kompleksaŭ, artyleryi i inšaj zbroi. Dziakujučy hetaj zbroi ŭkrainskaja armija zdoleła razhramić rasijan pad Kijevam i adkinuć ich nazad u Biełaruś i Rasiju.