Hrečka i sol tańniejšyja ŭ Biełarusi, a tušonka i cukar — u Jeŭropie. Paraŭnali ceny na bazavyja tavary
Paraŭnali ceny ŭ dastaŭkach Biełarusi, Litvy, Polščy i Rasii.
Z farmuloŭkaj «dla abarony ŭnutranaha rynku» ŭ Biełarusi to i sprava ŭźnikaje zabarona na vyvaz z krainy fizičnymi asobami peŭnych hrup tavaraŭ — mahčymyja «zakupy» tolki ŭ miežach abaznačanych limitaŭ.
Adno z apošnich takich abmiežavańniaŭ nakładała limit na vyvaz muki (nie bolš za dva kiłahramy), na krupy (nie bolš za kiłahram) i maksimum try słoiki małočnych i miasnych kansiervaŭ (za vyklučeńniem dziciačaha charčavańnia).
Ceny na pradukty ŭ Biełarusi.
Na zvyšzapatrabavanaści tavaraŭ ź biełaruskich kram asobna zrabiŭ akcent Łukašenka, zajaviŭšy: «Vy pahladzicie, što adbyvajecca z susiednimi Litvoj i Łatvijaj, palakami. Ja pra Ukrainu ŭ dadzienym vypadku ŭžo nie kažu. Jany ž byli takija ščaślivyja, viasiołyja. Žyli ŭ «zamožnym» śviecie, u ich usio było. I dzie jany siońnia? Jany stajać uzdoŭž miažy i prosiać nas, kab my ich prapuścili ŭ Biełaruś. Chacia b hrečki kupić. Dobra krupy — soli niama, soli prosiać u nas».
Pahladzieli, ci jość u zamiežnych kramach-dastaŭkach vyšej ahučanyja tavary (spojler: jość i ź liškam), i kolki jany kaštujuć u paraŭnańni z prapanovami ŭ Biełarusi.
My paraŭnoŭvali najbolš vyhadnyja pa košcie pazicyi ŭ čatyroch dastaŭkach: biełaruskaj «Je-dastaŭka», polskaj Frisco, litoŭskaj BARBORA, a taksama rasijskaj «Lencie».
Košty pieraviali ŭ biełaruskija rubli pa aktualnym kursie Nacbanka.
| Biełaruś | Polšča | Litva | Rasija | |
| Muka pšaničnaja | 2.83 rub. za dva kh. | 1.75 rub. za kh. | 6.01 rub. za dva kh. | 4.85 rub. za dva kh. |
| Hrečka | 4.49 rub. za 800 hr. | 3.51 rub. za 400 hr. | 7.93 rub. za 800 hr. | 3.92 rub. za 800 hr. |
| Rys | 3.25 rub. za 800 hr. | 5.99 rub. za kh | 2.72 rub. za 800 hr. | 4.66 rub. za 800 hr. |
| Aŭsianka | 0,85 rub. za 500 hr. | 2.51 rub. za 500 hr. | 1.89 rub. za 400 hr. | 3.17 rub. za 450 hr. |
| Manna | 1.66 rub. za kh. | 1.58 rub. za 400 hr. | 2.61 rub. za 800 hr. | 4.48 rub. za 700 hr. |
| Piarłoŭka | 1.68 rub. za 800 hr. | 1.52 za 400 hr. | 1.78 rub. za 400 hr. | 2.8 rub. za 800 hr. |
| Makarona | 3.49 rub. za 400 hr. | 2.92 rub. za 500 hr. | 2.61 rub. za 400 hr. | 2.42 rub. za 500 hr. |
| Cukar | 2.49 rub. za kh. | 2.05 rub. za kh. | 1.62 rub. za kh. | 3.69 rub. za 900 hr. |
| Sol | 0,68 rub. za kh. | 1.17 rub. za kh. | 2.72 rub. za kh. | 0.93 rub. za kh |
| Alej | 7.25 rub. za 1 ł. | 4.98 rub. za 500 mł. | 6.83 rub. za 1 ł. | 5.41 rub. za 1 ł. |
| Tuniec kansiervavany | 3.99 rub. za 230 hr. | 10.02 rub. za 240 hr. | 8.48 rub. za 240 hr. | 5.96 rub za 185 hr. |
| Śvinina ŭ kansiervach | 8.29 rub. za 338 hr. | 4.75 rub. za 300 hr. | 4.36 rub. za 240 hr. | 10.45 rub. za 338 hr. |
Košty na pradukty ŭ Litvie.
Jak my bačym, u Biełarusi vidavočna tańniej kaštuje sol, hrečka, aŭsianka, muka, tuniec. Ale toj ža rys, makarony ci cukar bolš vyhadna nabyvać u Jeŭropie. Nie varty pry hetym zabyvać, što zarobki «čystymi» ŭ Polščy i Litvie ŭ dva razy bolšyja, čym u Biełarusi.
Košty ŭ Polščy.
Cikava, što tuniec pa dobrym košcie praściej znajści ŭ Biełarusi, a voś śvininu, naadvarot, u jeŭrapiejskich kramach.
Košty ŭ Rasii.
Čytajcie taksama:
Šop-tury ŭ Biełaruś. Što vyhadna vieźci ad nas u Polšču, Litvu i Łatviju
Nakolki padaražeła sadavina i harodnina za čas praduktovaha «embarha»
