Pačynajecca sud nad eks-kiraŭnikom «Achovy ptušak baćkaŭščyny»
Palitźniavolenaha Viktara Fienčuka abvinavačvajuć pa č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak). Zhodna z materyjałami spravy, «Fiančuk błakavaŭ ruch transpartu na prajeznaj častcy i vykrykvaŭ roznyja łozunhi. Padčas rasśledavańnia vyjaŭlena jašče piać anałahičnych epizodaŭ, ździejśnienych im». Spravu ŭ sudzie Maskoŭskaha rajona budzie razhladać sudździa Alena Muraška, piša «Viasna».
Fiančuk śviadoma nie źjazdžaŭ z krainy. «Kali b usie pierastali biehać, to za nami pierastali b haniacca», — pryvodzić jaho słovy «Zialony partał».
Viktar — prafiesijny arnitołah, kaardynatar prahram Frankfurckaj zaałahičnaj supolnaści i arhanizacyi «Achova ptušak baćkaŭščyny». Uznačalvaŭ apošniuju z 2007 pa 2014 hod, zatym byŭ jaje supracoŭnikam.
Jaho nazyvajuć «advakatam dzikaj pryrody». Jon kiravaŭ maštabnymi prajektami pa vyvučeńni, zachavańni i ŭznaŭleńni pryrodnych ekasistem.
Prahramu pa zachavańni dzikaj pryrody Paleśsia ŭ Minsku APB adkryvała sumiesna z Kiembrydžskim univiersitetam.
Padtrymajcie Viktara: SIZA-1. 220030, Minsk, Vaładarskaha, 2, Viktaru Alaksandraviču Fienčuku.
