Prakuratura abaviazała pryzyŭnyja kamisii pryzvać tych, chto atrymaŭ adterminoŭku
Prakuratura horada Minska vyjaviła parušeńni zakanadaŭstva pry pryzyvie hramadzian na terminovuju vajskovuju słužbu, słužbu ŭ reziervie padčas pryzyŭnych kampanij 2021 hoda ŭ vajennych kamisaryjatach, a taksama pryzyŭnych kamisijach staličnych Kastryčnickaha i Savieckaha rajonaŭ.
Pa viersii prakuratury, byli vykrytyja fakty niezakonnaha pradastaŭleńnia asobnym pryzyŭnikam adterminovak ad pryzyvu dla praciahnieńnia adukacyi.
U vajennym kamisaryjacie Kastryčnickaha rajona h.Minska asobnyja pryzyŭniki nieabhruntavana pryznanyja nieprydatnymi da vajskovaj słužby ŭ mirny čas, abmiežavana prydatnymi da słužby ŭ vajenny čas.
Pa vynikach pravierki prakuratura horada Minska apratestavała rašeńni pryzyŭnych kamisij.
Rašeńni byli admienienyja, a pryzyŭniki nakiravanyja ŭ armiju.