Ën jašče ŭ vyšuku, ale kanały, padkantrolnyja MUS, užo pijarać jaho
U telehram-kanałach, jakija kantralujucca biełaruskimi siłavymi strukturami, tyražujecca intervju biezymiennaha biełarusa, jaki vajuje na rasijskim baku — u farmiravańniach «DNR». U videa toj krytykuje biełarusaŭ, jakija vajujuć za Ukrainu. «Naša Niva» raskapała, chto hety novy śpikier biełaruskich siłavikoŭ, i vyjaviła zajmalny momant.
Čałaviek na videa sapraŭdy biełarus, jon naradziŭsia ŭ Minsku. Imia — Andrej Hryšucin.
Jon paśpieŭ pasłužyć u čaści 3214 staršynioj roty. Nie sudzimy. Vajuje suprać Ukrainy nie pieršy hod.
Cikavostka voś u čym: HUBAZiK vydaŭ śpiecyjalnuju aryjenciroŭku na hetaha čałavieka jak najomnika u «Ł/DNR» jašče niekalki hadoŭ tamu.
«Jašče hod nazad, kali b jon źjaviŭsia ŭ Biełarusi, to jaho dakładna dastavili b da taho apieratyŭnika, jaki viadzie spravy ŭliku tych, chto vajavaŭ na Danbasie», — skazaŭ nam aficer milicyi.
