Znajści
Ałharytmičny łacinski varyjant
07.05.2022 / 09:53RusŁacBieł

Recept na vychadnyja. Kuryca parma — kłasika, pra jakuju vy jašče nie viedali

Hetaja strava ŭźnikła ŭ XX stahodździ siarod italjanskich pierasialencaŭ u ZŠA i arhanična spałučaje ŭ sabie jak amierykanskuju, tak i italjanskuju kuchni. Ad Italii tut smačny tamatny sous i syr parmiezan, ad Amieryki — smažanaje kurynaje file, a ŭsio razam — prosta niepaŭtornaje spałučeńnie smakaŭ i vodaraŭ.

Fota: BBC Food

Kab zrabić kurycu «Parma», vam spatrebicca:

  • 4 kurynyja hrudki
  • 100 hramaŭ muki
  • 2 jajki
  • 100 mililitraŭ čyrvonaha vina
  • 75 hramaŭ ciertaha parmiezanu
  • 75 hramaŭ panirovačnych sucharoŭ
  • 1 drobna narezanaja cybulina
  • 2 drobna narezanyja zubki časnyku + 1 zubok dla zborki stravy
  • 2 čajnyja łyžki sušanaha arehana
  • 1,5 stałovaj łyžki aliŭkavaha aleju
  • 400 hramaŭ śviežych ci kansiervavanych pamidoraŭ
  • žmienia listočkaŭ bazilika
  • 2 šaryki macareły, narezanyja na skryli
  • drobka cukru (pa žadańni)
  • sol
  • śviežazmołaty čorny pierac
  1. Razahrejcie duchoŭku da 200 hradusaŭ. Razrežcie kurynyja hrudki haryzantalna i raskrojcie ich jak knižku, potym trochi adbicie miasa. Prypraŭcie kurycu sollu i piercam. Nasypcie ŭ adnu talerku muku, u druhuju pamiaścicie 2 uźbityja jajki, a ŭ treciuju — sumieś z panirovačnych sucharoŭ, parmiezana, čajnaj łyžki arehana i niekalkich drobna parublenych listočkaŭ bazilika.
  2. Abmaknicie kožny kavałak kurycy ŭ muku, strasicie z kurycy liški i potym apuścicie jaje ŭ jajka. Dalej pakrojcie file sumieśsiu z treciaj talerki, mocna ŭcirajučy jaje ŭ kurycu.
  3. Vykładzicie kurycu na blachu i palicie nievialikaj kolkaściu aliŭkavaha aleju. Vypiakajcie jaje ŭ duchoŭcy na praciahu 12-15 chvilin ci da hatoŭnaści.
  4. Kab pryhatavać sous, razahrejcie ŭ patelni stałovuju łyžku aliŭkavaha aleju i dadajcie cybulu. Smažcie jaje, pakul cybula nie stanie vielmi miakkaj, pry hetym jana pavinna być prazrystaj i maślanistaj, potym dadajcie 2 drobna narezanyja zubki časnyku. Smažcie jašče 2 chviliny, potym dadajcie čyrvonaje vino. Tušycie sumieś, pakul kolkaść vadkaści nie źmienšycca napałovu, potym dadajcie reštu arehana i narezanyja pamidory.
  5. Prypraŭcie sous sollu i piercam. Tušycie sumieś pad viečkam 10 chvilin, potym zdymicie viečka. Pakaštujcie sous i dadajcie drobku cukru, kali ličycie, što jon niedastatkova sałodki. Tušycie jašče 10 chvilin bieź viečka, pakul kolkaść vadkaści ŭ sousie nie źnizicca mocna, bo dla hetaj stravy treba davoli husty sous.
  6. Kab sabrać stravu, vaźmicie vialikuju niehłybokuju formu dla duchoŭki, u jakuju pamieścicca ŭsia kuryca ŭ adzin słoj. Razrežcie napałovu zubok časnyku i natrycie im formu.
  7. Vykładzicie ŭ formu sous, potym źvierchu raźmiaścicie kurycu. Pakładzicie na file macarełu tak, kab kuryca była joj pakrytaja amal całkam. Vypiakajcie kurycu ŭ duchoŭcy kala 15-20 chvilin, abo pakul sumieś nie stanie haračaj, a macareła nie rastanie i nie padrumianicca. Pierad padačaj upryhožcie stravu niekalkimi listočkami bazilika.

«Našu Nivu» finansujuć jaje čytačy — padtrymać prosta

Čytajcie taksama:

Recept dla piknika na vychadnyja. Kuryny šašłyk pa-chutkamu

Ci sapraŭdy čałaviek pavinien jeści try razy na dzień?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
0
Ха-ха
0
Ого
1
Сумна
1
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930