Pry zamienie liftaŭ u Minsku novyja kabiny staviać ź videakamierami
Lifty ŭ žyłych šmatpaviarchovikach mianiajuć pa asobnaj prahramie, nie źviazanaj z praviadzieńniem płanavaha kapitalnaha abo biahučaha ramontu, raskazała načalnik adździeła kapramontu žyllovaha fondu Minskaj haradskoj žyllovaj haspadarki Kaciaryna Kazak, paviedamlajuć «Minsk-Naviny».
U 2021 i 2022 hadach hetyja raboty vykonvajuć «pad kluč»: u mašynnym adździaleńni raźmiaščajecca madem, a zapis tranślujecca na manitorach kampjutaraŭ absłuhoŭvajučych arhanizacyj — «Biellift» i «Liftservis».
— Heta dazvalaje ŭ režymie realnaha času sačyć za abstalavańniem, vyjaŭlać fakty vandalizmu i inšych supraćpraŭnych dziejańniaŭ. Ź videakamier, ustanoŭlenych u 2018—2020 hadach, padklučana tolki častka. Astatnija daŭkamplektoŭvajucca ŭsim nieabchodnym. Budziem imknucca zaviaršyć hetuju pracu da kanca hoda, — udakładniła Kazak.
U 2022 hodzie płanujecca zamianić 440 liftaŭ i zatracić na heta 28,4 młn rubloŭ. Finansavańnie poŭnaściu ažyćciaŭlajecca ź biudžetu. Pa prajekcie na zamienu lifta advodzicca 3,5—4 miesiacy, ale faktyčny termin składaje 2—2,5 miesiaca.
Usiaho za 2021-2025 hady ŭ žyłfondzie Minska praduhledžana madernizavać 1513 liftaŭ.
