Maskva padtrymlivaje armianskuju apazicyju, jakaja sprabuje dabicca adstaŭki premjera Pašyniana
Jak i padčas pratestaŭ na daterminovych vybarach 2021 hoda, Rasija spryjaje vuličnym pratestam i prapahanduje ich.
Choć Armienija mocna zaležyć ad Rasii ŭ płanie biaśpieki, Jerevan ustrymaŭsia ad hałasavańnia ŭ Hienasamblei AAN pa pytańni asudžeńnia ŭvarvańnia Rasii va Ukrainu. Dla paraŭnańnia: Kazachstan taksama ŭstrymaŭsia, Biełaruś hałasavała suprać.
Na vybarach 2021 hoda «Hramadzianskaja damova» Pašyniana nabrała 54% hałasoŭ, prarasijski «Aljans «Armienija» Kačarana — 21%. Pratesty hetymi dniami zastajucca niemaštabnymi, na ich vychodzić usiaho niekalki tysiač čałaviek.
Apora Armienii na Rasiju zachistałasia, paśla taho jak rasijskaja vajskovaja padtrymka vyjaviłasia słabiejšaj za tureckuju, u vyniku čaho Azierbajdžan pieramoh armianskija siły ŭ vajnie 2020 hoda ŭ Nahornym Karabachu.
