U Jerevanie pratestoŭcy suprać Pašyniana budujuć barykady
U niadzielu ŭ centry Jerevana adbyŭsia mitynh apazicyjnych sił Armienii, jakija patrabujuć adstaŭki premjer-ministra krainy Nikoła Pašyniana, paviedamlaje «Radyjo Svaboda».
Jerevan
Paśla jaho farmalnaha zakančeńnia pratestoŭcy nie razyšlisia, a pačali budavać barykady sa śmiećcievych bakaŭ i łavaŭ, a taksama ŭstanaŭlivać namioty dla kruhłasutkavaj akcyi pratestu. Paviedamlajecca ab sutyčkach z palicyjaj. Zaraz płošča Francyi, na jakoj sabralisia niekalki tysiač haradžan, ačeplenaja, ruch transpartu vakoł jaje spynieny.
Vystupajučy pierad prysutnymi, adzin ź lidaraŭ apazicyi, eks-kiraŭnik Słužby nacyjanalnaj biaśpieki Artur Vanećjan, zajaviŭ, što mitynh staŭ pačatkam «reinkarnacyi armianskaj nacyi». «My abiacajem našym zahinułym u vojnach, što dabjemsia mety», — taksama paabiacaŭ jon.
Masavyja pratesty suprać Pašyniana pačalisia ŭ Armienii 25 krasavika. Apazicyja abvinavačvaje jaho i ŭrad, jaki jon uznačalvaje, u namiery padpisać damovu z Azierbajdžanam, pryznaŭšy suvierenitet hetaj krainy nad usioj terytoryjaj Nahornaha Karabacha.
