Kažuć, što francužanki nie taŭściejuć. Voś sakrety ich dyjety
Francyja — kraina z adnym z najmienšych uzroŭniaŭ atłuścieńnia ŭ Jeŭropie. Jak tamašnija žančyny zachoŭvajuć šykoŭnuju fihuru, kali žyvuć u atačeńni kruasanaŭ, bahietaŭ i smačniejšych syroŭ? Voś ich łajfchaki.
Fota: pixabay.com
Dobryja śniadanki
Bazavaje praviła amal kožnaj francužanki — paŭnavartasny śniadanak. Dyjetołahi niezdarma paŭtarajuć, što heta samy hałoŭny pryjom ježy za dzień. Francužanki heta dobra viedajuć, i tamu z ranicy ciahnucca da ježy (viadoma, u razumnych miežach).
Śniadanak paskaraje naš mietabalizm, daje siły i enierhiju dziejničać. Akramia taho, my paźbiahajem situacyj, kali my spažyvajem usie kałoryi ŭviečary ci prosta paźniej na praciahu dnia. Takim čynam, my praduchilajem nazapašvańnie tłušču, u tym liku na žyvacie, tłumačyć onet.pl.
Rehularnaje charčavańnie
Francužanki vielmi skrupulozna prytrymlivajucca rasparadku dnia i dakładna viedajuć, kali im treba śniedać, abiedać i viačerać, a taksama dazvalajuć sabie da troch pierakusaŭ karysnymi dla zdaroŭja praduktami. Francužanki imknucca nie prapuskać ni adnaho pryjomu ježy, dziakujučy čamu ich abmien rečyvaŭ vydatna rehulujecca. Arhanizm atrymlivaje zarad enierhii ŭ adzin i toj ža čas, tamu nie baicca, što skončacca siły, i nie «adkładvaje» kałoryi na potym.
Žančyny ŭ Francyi kłapociacca nie tolki ab rehularnaści, ale i ab źniešnim vyhladzie ježy. Jany starajucca, kab kožnaja strava była pryhoža pradstaŭlena. Heta śviata dla ich pačućciaŭ, taksama dobra padadzienyja stravy pavinny praduchilić ich ad praźmiernaha i «nieelehantnaha» spažyvańnia ježy.
Pavolny pryjom ježy
Francužanki źviartajuć uvahu na temp, ź jakim jany jaduć svaju ježu. Žančyny tam nikoli nie robiać hetaha na biahu, naadvarot, jany atrymlivajuć asałodu ad kožnaha kavałačka. Siaredniaja francužanka zvyčajna źjadaje svaju stravu na praciahu 15-20 chvilin, akramia hetaha, jana nie stanie hladzieć televizar padčas ježy, čytać knihi ci prahladać internet. Dziakujučy tamu, što francužanki zasiarodžvajucca tolki na pieražoŭvańni ježy, jany chutčej adčuvajuć sytaść i nie ciahnucca da bolšaj kolkaści ježy.
Razumnyja porcyi
Talerka francužanki nikoli nie budzie poŭnaja da krajoŭ. Miascovyja žančyny kłapociacca ab tym, kab jeści tolki toje, što im varta jeści i čaho jany sapraŭdy chočuć. Jany lepiej pakinuć stoł krychu hałodnyja, čym z pačućciom praźmiernaj sytaści.
Akramia taho, francužanki miarkujuć, što jeści možna ŭsio, ale ŭ razumnych kolkaściach. Jany časta ciahnucca da kałaryjnych dalikatesaŭ, takich jak błakitny syr abo paštety, ale imknucca nie dapuskać hetaha zanadta časta. Kali jany i addajucca drobnym hracham, to potym francužanki nieadkładna viartajucca da svajho zdarovaha paŭsiadzionnaha žyćcia.
Heta nie ŭsie praviły, jakich prytrymlivajucca žančyny ŭ Francyi. Pahladzicie, što jašče dapamahaje im trymać fihuru idealnaj:
- zdarovyja zakuski zaŭsiody pad rukoj (naprykład, arechi, suchafrukty, pitny johurt),
- vialikaja kolkaść ryby i morapraduktaŭ u racyjonie,
- raznastajnaje mieniu,
- šmat traŭ i śpiecyj i minimum soli ŭ charčavańni,
- vialikaja kolkaść harodniny ŭ racyjonie,
- kali i vykarystoŭvać alej ci masła, to tolki aliŭkavy alej,
- spažyvańnie chleba dobraj jakaści ŭ nievialikich kolkaściach.
«Našu Nivu» finansujuć jaje čytačy — padtrymać prosta
Čytajcie taksama:
Hetaje rečyva nazyvajuć eliksiram maładości. Jak jaho ŭžyvać?
