Paśpieć u apošni vahon. Jak vyhladajuć kramy Jysk za niekalki hadzin da zakryćcia
Dziesiać dzion tamu meblevy rytejler Jysk abviaściŭ, što ŭsie jaho kramy prypyniajuć pracu ŭ Biełarusi. Zhodna z anonsam, nielha budzie navat zrabić zamovu na sajcie. U kramach tut ža vyraśli čerhi — z pakupkami treba było paśpieć da 18-ha krasavika. I voś da zakryćcia zastajucca ličanyja hadziny. Niahledziačy na vidavočna apuściełyja palicy, naviedvalniki ŭsio jašče stajać la kasaŭ. Hladzicie ŭ fotarepartažy Onliner.
Dziela spraviadlivaści varta adznačyć, što čerhi i chapun vyklikanyja nie tolki navinami pra sychod sietki ź Biełarusi. Na praciahu apošniaha tydnia kupić tavar u Jysk možna było sapraŭdy z dobraj źnižkaj, jakaja dziejničała na ŭsio. Naturalna, tavary pakrysie źnikali z palic, znachodziačy ŭłaśnikaŭ. Jak vynik — asartymient kramy praktyčna vyčarpany.
