Łukašenka raspavioŭ pra «sakretnuju apieracyju» pa viartańni dalnabojščykaŭ z Ukrainy
Alaksandr Łukašenka na pasiadžeńni Rady biaśpieki zajaviŭ, što dla taho kab viarnuć u krainu biełaruskich dalnabojščykaŭ, jakija zatrymalisia z-za vajny va Ukrainie, śpiecsłužbam pryjšłosia pravodzić śpiecyjalnuju apieracyju.
«Dajšło da taho, što hetyja niahodniki stali zachoplivać tam našych ludziej, pierš za ŭsio — kiroŭcaŭ aŭtamabilaŭ, jakija trapili ŭ toj čas tudy. Aryštavali paŭtary tysiačy ci kolki tam našych vahonaŭ, zachapili našy aŭtamabili i da sotni našych chłopcaŭ, jakija kiravali hetymi furami» — raskazaŭ jon.
Pa słovach Łukašenki, jon papiaredziŭ ukraincaŭ, što vymušany budzie pravieści śpiecyjalnuju apieracyju pa vyzvaleńni ludziej.
«My takuju śpiecyjalnuju apieracyju praviali i ŭsich našych ludziej vyzvalili. Ja nie ŭnikaju ŭ detali, na toje jana i śpiecyjalnaja apieracyja, ale, Ivan Stanisłavavič (źviartajučysia da Cierciela), treba ŭsich chłopcaŭ, jakija pravodzili hetuju apieracyju, pradstavić da dziaržaŭnych uznaharod. Bliskuča praviali, što vy navat nie zaŭvažyli», — dadaŭ Łukašenka.
