Cieły sa znakami katavańniaŭ, trupy na vulicach, brackija mahiły. Rasijskija vojski pakinuli na Kijeŭščynie strašnyja ślady
Rasijskija vojski adstupili z Kijeŭskaj vobłaści. Ukrainskaja i armija i palicyja ŭvajšli ŭ harady i vioski, jakija miesiac praviali pad rasijskaj akupacyjaj. Šmat razbureńniaŭ, šmat razrabavanaha i ślady vajennych złačynstvaŭ. U Bučy, pa słovach mera horada Anatola Fiedaruka, u brackaj mahile pachavali 280 čałaviek, ale šmat trupaŭ jašče zastajecca na vulicach. Pa miery taho jak vyzvalenyja rajony padklučajuć da internetu i raźminirujuć, u sacsietkach, ŚMI i kanałach źjaŭlajecca ŭsio bolš fota— i videaśviedčańniaŭ. My sabrali tolki niekatoryja. UVAHA: ŽORSTKIJA FOTA I KADRY, URAŹLIVYM LUDZIAM ICH HLADZIEĆ NIE VARTA
Siało Matyžyn Makaraŭskaha rajona. Rasstralanyja dźvie žančyny i čaćviora mužčyn. Zabityja strełam u patylicu, u niekatorych ludziej ruki źviazanyja za śpinoj. Adna z žančyn — starasta siała, adzin z mužčyn — jaje syn.
Siało Matyžyn Makaraŭskaha rajona. Cieła mužčyny sa śladami katavańniaŭ znajšli ŭ kałodziežy. Paviedamlajecca, što heta muž starasty siała, jaki źnik bieź viestak 23 sakavika.
Na vyjeździe z Bučy kala dvaccaci rasstralanych mužčyn — nie vajskoŭcaŭ, u zvyčajnaj vopratcy, niekatoryja sa źviazanymi za śpinaj rukami.
Horad Buča paśla sychodu adtul rasijskaj armii. Cieły rasstralanych ukraincaŭ.
Šeść ciełaŭ kala skryžavańnia, adzin ź ludziej z rovaram.
Cieła žančyny na vulicy.
Za 20 km ad kijeŭskaj trasy cieły žančyn, jakich zabili i sprabavali spalić.
Buča i Irpień. Cieły lažać prosta pasiarod darohi.
Žachlivyja kadry z horada Baradzianka. Razburana ŭsio, u horadzie ciapier žyvie ŭsiaho kala tysiačy čałaviek (da vajny było kala 15 tysiač).
