Žurnalist-palitviazień Andrej Pačobut uznaharodžany prestyžnaj polskaj premijaj
Andrej Pačobut uznaharodžany prestyžnaj premijaj Wiktory 2021 ŭ Polščy i statuetkaj ŭ katehoryi «Žurnalist hoda».
31 sakavika prajšło ŭračystaje ŭručeńnie ŭznaharod Wiktory 2021.
Wiktory 2021— heta ŭznaharoda polskaj Televizijnaj akademii, jakaja była zasnavanaja ŭ 1985 hodzie, i jakuju ŭručali paśla siamihadovaha pierapynku.
Padčas mierapryjemstva hučała tema vajny va Ukrainie, tamu na pačatku hanarovaha SuperWiktora uručyli prezidentu Uładzimiru Zialenskamu, a statuetku atrymaŭ ministr zamiežnych spraŭ Ukrainy Dźmitryj Kuleba, jaki znachodzicca ź vizitam u Polščy.
«Hetaja vajna idzie taksama dziela svabody vašaj krainy. My chočam, kab Polšča nikoli nie pieražyvała taho, što ciapier pieražyvaje Ukraina», — adznačyŭ Kuleba.
Statuetkaj u katehoryi «Žurnalist hoda» ŭhanaravali Andreja Pačobuta. Aktyvist Sajuza palakaŭ u Biełarusi, žurnalist znachodzicca za kratami z 25 sakavika 2021 hoda pa abvinavačvańni ŭ raspalvańni sacyjalnaj varožaści i reabilitacyi nacyzmu.
