Łukašenka zajaviŭ, što piśmieńnica Śviatłana Aleksijevič zdradziła Biełarusi
Alaksandr Łukašenka zajaviŭ, što łaŭreat Nobieleŭskaj premii Śviatłana Aleksijevič zdradziła svajoj krainie, źbiehšy ŭ Hiermaniju. Ale jon ličyć, što jana «chutčej za ŭsio, jak i ŭsie inšyja, moža viarnucca». Pra heta jon zajaviŭ u interviju japonskaj telekampanii TBS, piša Zerkalo.io.
Fota: AP
— Heta čałaviek, jaki staŭ nobieleŭskim łaŭreatam — nie budziem kazać, jak i čamu — jaki vyras na hetaj ziamli, zdradziła joj i źbiehła adsiul. Jaje nichto nie vydvaraŭ, nie vyhaniaŭ ź Biełarusi. Heta jaje prava. Jana vybrała Niamieččynu. Tam, napeŭna, ciaplej, — skazaŭ Łukašenka. — Tam, napeŭna, prypłačvajuć, moža, jašče niešta, nie viedaju. Ja hetym pytańniem nie cikaŭlusia. U našym hramadstvie takoj prablemy niama.
Jon ličyć, što jakich-niebudź pieraškod abo pahroz pa viartańni ŭ Biełaruś u Śviatłany Alaksiejevič niama.
—Jana na siońniašni dzień, chutčej za ŭsio, jak i ŭsie inšyja, moža viarnucca ŭ Biełaruś. Ale kali jany dapuścili parušeńni našych zakonaŭ, jany pavinny razumieć, što jany pa hetych zakonach pavinny adkazać, jak luby hramadzianin Biełarusi.
Na pytańnie japonskaha žurnalista pra staŭleńnie da piśmieńnicy Łukašenka adkazaŭ: «Ja da jaje nie staŭlusia ciapier nijak. Ja vielmi rady, što vy čytajecie tvory Aleksijevič. Chaciełasia b, kab vy čytali i tvory inšych našych biełaruskich aŭtaraŭ»»
U žniŭni 2020 hoda Aleksievič stała členam prezidyuma Kaardynacyjnaj rady. U vieraśni taho ž hoda źjechała ŭ Niamieččynu pa zaprašeńni Hiermanskaj słužby akademičnych abmienaŭ (DAAD).
