ZŠA pieradaduć Ukrainie 100 dronaŭ-kamikadze «Switchblade». Raskazvajem pra ich
Switchblade 600 moža trymacca ŭ pavietry da 40 chvilin i nanosić udary na adlehłaści da 80 kiłamietraŭ.
Fota: Aerovironment.
Administracyja amierykanskaha prezidenta Bajdena pryniała rašeńnie pieradać Ukrainie 100 bieśpiłotnych bajavych aparataŭ Switchblade. Switchblade stali častkaj novaha pakieta vajennaj dapamohi Ukrainie, paviedamlajuć amierykanskija ŚMI.
Isnujuć dva varyjanty hetaj zbroi: Switchblade 300 i Switchblade 600. Pieršy ź ich stvorany dla vysokadakładnych atak na žyvuju siłu praciŭnika, druhaja madel bieśpiłotnikaŭ aryjentavanaja na źniščeńnie tankaŭ i inšaha braniravanaha transpartu.
Pa svajoj sutnaści Switchblade — heta aŭtamatyzavanaja kiravanaja bomba z kamierami, sistemaj kiravańnia palotam i vybuchovym materyjałam. Hetyja bieśpiłotniki možna zaprahramavać tak, kab jany aŭtamatyčna paražali celi za kiłamietry ad miesca pusku, pryčym jany zdolnyja ruchacca za abjektam, dahnać jaho i likvidavać.
Switchblade 600 moža trymacca ŭ pavietry da 40 chvilin i nanosić udary na adlehłaści da 80 kiłamietraŭ. Heta adnarazovyja aparaty, i jany bolš chutkasnyja, čym znakamityja tureckija Bajraktary, jakija ŭžo znachodziacca na ŭzbrajeńni ŭkrainskaj armii. Kali Ukrajina atrymaje jašče i Switchblade, heta budzie samaje maštabnaje vykarystańnie hetych bieśpiłotnikaŭ u bajavych dziejańniach na siońniašni čas.
Što spynić Pucina, čamu rasijskija vojski nie šturmujuć Kijeŭ i navošta rujnujuć Maryupal — raspaviadaje ŭkrainski vajenny ekśpiert
Śmiarotna paranieny, zastaŭsia prykryvać svaich. Chto taki biełarus «Tur», zabity pad Kijevam
