Kličko raspavioŭ, jak Kijeŭ rychtujecca da mahčymych vajennych dziejańniaŭ
Mer Kijeva Vital Kličko zajaviŭ, što dla zabieśpiačeńnia abarony nasielnictva, u vypadku ŭźniknieńnia nadzvyčajnych situacyj abo vajennych dziejańniaŭ, u stalicy stvorany fond achoŭnych zbudavańniaŭ hramadzianskaj abarony.
Mer Kijeva Vital Kličko. Fota: pravda.com.ua
U Kijevie ŭ vypadku ŭźniknieńnia nadzvyčajnych situacyj abo vajennych dziejańniaŭ možna budzie vykarystoŭvać bolš za 500 schoviščaŭ i 4500 abjektaŭ padvojnaha pryznačeńnia, paviedamlaje «Ukrainskaja pravda».
U fond achoŭnych zbudavańniaŭ hramadzianskaj abarony ŭvachodziać schoviščy i pabudovy padvojnaha pryznačeńnia. Hetyja chovanki ŭ mirny čas vykarystoŭvajucca dla haspadarčych, kulturnych ci bytavych patreb nasielnictva.
Heta značyć, u ich ciapier moža być, naprykład, apteka, bank, kafe, cyrulnia. U vypadku ŭźniknieńnia nadzvyčajnych situacyj hetyja schoviščy pa rašeńni rajdziaržadministracyj horada buduć vykarystoŭvać dla abarony nasielnictva.
Kličko raspavioŭ, što infarmacyja ab miescach schovišča raźmieščana na aficyjnych sajtach rajonnych administracyj Kijeva.
«Na siońniašni dzień rajdziaržadministracyjami spłanavana vykarystańnie bolš za 500 schoviščaŭ i 4 500 abjektaŭ padvojnaha pryznačeńnia. Ahulnaja jomistaść achoŭnych zbudavańniaŭ — kala 2 młn 8 tys. čałaviek.
Taksama ŭ vypadku ŭźniknieńnia nadzvyčajnaj situacyi dla pryciahnieńnia ŭvahi nasielnictva ŭklučajucca sireny. Sireny aznačajuć sihnał hramadzianskaj abarony «UVAHA USIM!». Pačuŭšy taki sihnał, varta nieadkładna ŭklučyć hučnahavaryciel, radyjoprymač abo televizar i słuchać paviedamleńni.
Kličko taksama raskazaŭ, što ŭ Kijevie razharnuli pracu pa stvareńni sistemy terytaryjalnaj abarony i adpracoŭvajucca pytańni arhanizacyi kiravańnia horadam va ŭmovach adsutnaści mabilnaj suviazi, internieta.
David i Halijaf: paraŭnoŭvajem siły rasijskaj i ŭkrainskaj armij
«My vośmy hod vajujem i pryvykli». Što va Ukrainie dumajuć pra mahčymaje rasijskaje i biełaruskaje ŭvarvańnie?
