Polskaja pošta vypuściła marku pra abaronu polska-biełaruskaj miažy. Heta častka kampanii «Staniem ścianoj za polski mundzir»
Pošta Polščy vypuściła paštovuju marku «Za polski mundzir», pryśviečanuju achovie polska-biełaruskaj miažy.
Na marcy namalavanyja našyŭki polskich uzbrojenych siłaŭ, pamiežnaj achovy i palicyi.
Marka vypuščanaja nakładam 5 miljonaŭ štuk.
Vychad marki — častka ahulnanacyjanalnaj kampanii pa padtrymcy Polskaha vojska. Jaje mety tłumačacca na sajcie Polskaj pošty:
«Na miažy 2021 i 2022 hoda polskaja dziaržava stała pierad vyklikam abarony polska-biełaruskaj miažy ad chvali hramadzian roznych dziaržaŭ, jakija sprabavali nielehalna patrapić na teorytoryju Polščy. Maštab hetaha pracesu pryvioŭ da taho, što našu ŭschodniuju miažu musiać vartavać, stojačy plačo da plača, nie tolki funkcyjaniery Pamiežnaj varty, ale i tysiačy žaŭnieraŭ dy supracoŭnikaŭ palicyi. Zaanhažavańnie ŭ praces siłavych struktur i Polskaha vojska atrymała padtrymku siarod miljonaŭ palakaŭ, jakija vyrašyli roznymi sposabami padtrymać ludziej, jakija słužać na ŭschodniaj miažy, siarod inšym arhanizavaŭšy kampaniju #MuremZaPolskimMundurem».
Pa-biełarusku nazva hetaj kampanii: «Staniem ścianoj za polski mundzir».
Firmovy kanviert z naklejenaj na jaho novaj markaj.
Raniej Nacyjanalny bank Polščy u miežach toj ža kampanii vypuściŭ kalekcyjnuju manietu «Abarona ŭschodniaj miažy Polščy».
Čytajcie taksama:
U Polščy vypuścili manietu, pryśviečanuju abaronie miažy ź Biełaruśsiu
