Archieołahi ŭpieršyniu znajšli ŭ Połacku zaamorfnuju padviesku, jakaja zachavałasia całkam. Jaje źviazvajuć ź fina-uhrami
Padčas archieałahičnych daśledavańniaŭ u Vierchnim zamku Połacka vyjaŭlenaja cikavaja padvieska, raskazaŭ sputnik.by kandydat histaryčnych navuk Połackaha dziaržaŭnaha ŭniviersiteta Ihar Mahalinski.
Fota Ihara Mahalinskaha.
Pa słovach navukoŭca, jaho znachodku možna apisać jak połuju padviesku-kaniok z šumnym vitańniem. Anałahi padobnych vyrabaŭ užo znachodzili ŭ Noŭharadzie, Ćviarskoj i Uładzimirskaj abłaściach Rasii.
«Heta pieršaja znachodka ŭ Połacku vyrabu takoha typu i padobnaj zachavanaści», — adznačyŭ navukoviec-archieołah.
Vyraby padobnaha typu zvyčajna źviazvajuć ź fina-uhrami. Datavać jaho stvareńnie možna tolki pryblizna, vialikim pieryjadam z XII pa XIV stahodździe.
Zaamorfnaja padvieska vyrablenaja z ałavianaj bronzy (spłaŭ miedzi i vołava z prymieškam surmy) i była adlitaja nie ŭ Połacku. Pakul navukoŭcy nie mohuć dakładna vyznačyć, jakim čynam jana patrapiła na biełaruskija ziemli ŭ Siaredniavieččy.
Mahalinski znajšoŭ padviesku padčas archieałahičnaha nahladu za pracami pa prakładcy kamunikacyj da Kadeckaha korpusa, jaki budujecca ŭ histaryčnym centry Połacka.
Čytajcie taksama:
Pamiatajecie navinu pra znojdzieny sklep u Chojnickim rajonie? Archieołahi vykazali zdahadku, kamu jon naležaŭ
U Pskovie znajšli piačatku zahadkavaha połackaha jepiskapa
