Ź biełaruskich aptek źnikli testy na VIČ
Ekspres-test — samy prosty sposab pravieryć svoj VIČ-status. Pry žadańni možna było kupić test pa ślinie ŭ aptecy, zrabić jaho doma, a ŭžo pry nieabchodnaści źviartacca da lekaraŭ. Ciapier ža ekspres-testaŭ na VIČ u biełaruskich aptekach nie znajści, zaŭvažyła Jeŭraradyjo.
Ekspres-test na VIČ. Fota: iStock
U daviedačnaj linii minskich aptek nie adrazu zrazumieli, što pytańnie pra ekspres-test na VIČ: padumali, što na karanavirus, i potym pačali tłumačyć, jak i dzie šukać. Paśla ŭdakładnieńnia na chvilinu zamialisia.
«Tak, zaraz pravieru… Tak, vy viedajecie, ciapier niama pa horadzie, pastavak nie było»,
— adkazali na linii.
Vytvorca ekspres-testaŭ, jakija jašče niadaŭna možna było znajści ŭ biełaruskich aptekach, — kampanija «Multytab». Tam paćvierdzili, što ciapier testaŭ niama. Praŭda, paabiacali, što jany znoŭ źjaviacca ŭ prodažy ŭžo ŭ lutym. A pra pryčyny źniknieńnia ničoha nie skazali.
