«Zabyŭsia adviazać i pajechaŭ tak». Na fiermie prakamientavali šakujučaje videa ź cialom, pryviazanym da mašyny
U siecivie źjaviłasia videa, u jakim bačna, jak u Loźnienskim rajonie pa viaskovaj darozie ciahnuć ciala, pryviazanaje da mašyny. Pišuć, što kali aŭto vyjazdžała ź fiermy, ciala nibyta jašče było žyvym. Što kažuć na fiermie?
Skryšot videa telehram-kanała «Biełaruś za MKADam»
Videa źniali jašče 19 studzienia ŭ vioscy Zubki. Incydent zdaryŭsia ŭ sielhaśfilijale «Čkałaŭski». Tam kažuć, što ŭsio było nie tak, jak pakazali ŭ internecie.
«Hetaje ciala naradziłasia miortvym. Jaho ŭskryli, adčytalisia ŭ rajon. Vieterynaru treba było advieźci jaho na žyviolny mohilnik. Tam sto mietraŭ adlehłaść, nu nie na rukach ža nieści. Pryčapiŭ da mašyny, kab chutčej.
A potym jon pajšoŭ asiemianiać karovu, zabyŭsia adviazać i pajechaŭ tak», — kaža Valancina Kurčava, v.a. načalnika sielhaśfilijała.
Vieterynara za hety incydent depremiravali. A na viaskoŭca, jaki źniaŭ videa i abvinavaciŭ pradpryjemstva ŭ žyvadziorstvie, padali ŭ milicyju za paklop.