Jens Stołtenbierh: NATA nie budzie raźmiaščać vojski va Ukrainie
Hienieralny sakratar NATA Jens Stołtenbierh zajaviŭ, što aljans nie budzie raźmiaščać bajavyja padraździaleńni va Ukrainie. Pra heta jon skazaŭ u intervju CNN. U toj ža čas Stołtenbierh padkreśliŭ, što błok hatovy abaraniać krainy-členy NATA, «asabliva va ŭschodniaj častcy aljansu».
Jens Stołtenbierh. Fota: Ale_Mi / depositphotos.com
Na dumku Stołtenbierha, dla raźviazańnia ŭkrainska-rasijskaha kryzisu jašče zastajucca dypłamatyčnyja mahčymaści, ale heta zapatrabuje deeskałacyi z boku Rasii i hatoŭnaści Maskvy ŭstupić u palityčnyja pieramovy z NATA.
Stołtenbierh taksama zajaviŭ, što NATA adkaža na prapanovy Rasii pa harantyjach biaśpieki i nakiruje svaje prapanovy ŭ piśmovym vyhladzie da kanca hetaha tydnia.
«My paznačym, što my hatovyja abmiarkoŭvać kantrol nad uzbrajeńniami, razzbrajeńnie, prazrystaść vajennych vučeńniaŭ, miechanizmy źnižeńnia ryzyki i inšyja pytańni, jakija tyčacca jeŭrapiejskaj biaśpieki. My taksama hatovyja vysłuchać zaniepakojenaść Rasii»,
— skazaŭ hiensak aljansu.