Minčuk pierabłytaŭ budynak pieduniviersiteta z haścinicaj i zakidaŭ jaho kamieńniem
Damašni kanflikt na ałkaholnaj hlebie skončyŭsia niezvyčajnaj kryminalnaj spravaj.
45-hadovy minčuk paśla pracy piŭ doma harełku, heta nie spadabałasia jaho bratu, jaki zrabiŭ zaŭvahu. Pakryŭdžany mužčyna vyklikaŭ milicyju, ale ŭ vyniku ŭ pastarunak zabrali jaho, a nie brata.
U milicyi na minčuka skłali pratakoł i adpuścili. Pa darozie jon nabyŭ jašče harełki i viarnuŭsia dadomu. Na hety raz brat paabiacaŭ vyklikać psichijatryčnuju bryhadu. Tamu, kab nie abvastrać situacyju, minčuk vyrašyŭ pieranačavać u haścinicy.
Ale z-za svajho stanu i kiepskaha zroku mužčyna pierabłytaŭ haścinicu z korpusam BDPU na vulicy Mahiloŭskaj. Dźviery akazalisia začynienymi, tamu jon pačaŭ špurlać u ich kamieńnie.
U vyniku chulihana zatrymali. Jaho buduć sudzić za chulihanstva.
