Pahražajuć kryminałkaj. Da naziralnikaŭ za vybarami ŭ rajonnych haradach prychodziać siłaviki i razmaŭlajuć pra refierendum
U «Našu Nivie» prychodziać sihnały, što ŭ rajcentrach milicyja chodzić pa ludziach, jakija byli naziralnikami na vybarach 2020-ha. Prosta doma pravodziać «prafiłaktyčnyja hutarki», z pytańniami, ci źbirajecca hety čałaviek zajmacca tym ža samym padčas refierendumu. A taksama z papiaredžvańniami ab kryminalnaj adkaznaści za nibyta pieraškody vybarčamu pracesu.
Jak stała viadoma «Našaj Nivie», u niekatorych rehijonach u takich pachodach udzielničajuć načalniki kryminalnaha vyšuku i milicyi hramadskaj biaśpieki miascovych RUUS.
Tyja, chto mieŭ takuju sustreču, źviazvajuć heta z akazańniem cisku napiaredadni hałasavańnia ab źmienach u Kanstytucyju.
U bujnych haradach, a taksama ŭ stalicy taktyka inšaja — viadoma pra vypadki ŭvarvańniaŭ u kvatery ŭzbrojenych ludziej, jakija sychodziać paśla praviadzieńnia «ahladu» i «prafiłaktyčnaj hutarki».
Nahadajem, refierendum ab źmienach u Kanstytucyju pryznačyli na 27 lutaha. Śviatłana Cichanoŭskaja zaklikała biełarusaŭ prymać u im udzieł i pierakreślivać u biuleteniach abodva varyjanty.