U Maskvie zatrymali rasijanina, jaki pieraśledujecca za pratesty ŭ Biełarusi. Ale paśla adpuścili
22 studzienia ŭ 8:20 u maskoŭskim mietro zatrymali Dzianisa Zoryna. Jon hramadzianin Rasii, ale maje časovy vid na žycharstva ŭ Biełarusi i žyŭ ŭ Vierchniadźvinsku na Viciebščynie. U maskoŭskim mietro na jaho apranuli kajdanki i skazali, što jon u fiederalnym vyšuku, paviedamlajuć pravaabaroncy.
U Vierchniadźvinsku Dzianisa paśla pieratrusu ŭ siabie doma zatrymlivali na troje sutak 29 śniežnia 2020 hoda ŭ miežach kryminalnaj spravy pa art. 369 KK za post u sacsietkach pra siłavikoŭ. 9 sakavika jon źjechaŭ u Rasiju, ale kryminalnaja sprava ŭ Biełarusi suprać jaho nie zakrytaja. Pra svajo zatrymańnie Zoryn napisaŭ knihu «72 časa».
22 studzienia maskoŭskija palicejskija paśla zatrymańnia skazali Dzianisu, što «jaho, jak i inšych rasijan, adpraviać u Biełaruś — zvyčajnaja praktyka». Z maskoŭskaha adździeła palicyi Dzianisa advieźli ŭ Śledčy kamitet horada Ćvier, dzie adbyŭsia dopyt.
Ale ciapier Zoryn znachodzicca na voli. Pakul što svaich hramadzian Rasija Biełarusi nie vydavała, choć, jak praviła, achvotna vydaje biełaruskich. I nie nadta kłapocicca za los rasijan, jakich zatrymali za palityku sami biełaruskija siłaviki na svajoj terytoryi.
