U Homieli zatrymali 23-hadovaha piedafiła, jaki pierapisvaŭsia z 2500 padletkaŭ
Małady čałaviek schilaŭ chłopčykaŭ rabić intymnyja foty i vysyłać jamu.
Biełaruskija milicyjanty zatrymali 23-hadovaha žychara Homiela, jaki, miarkuje śledstva, schilaŭ niepaŭnaletnich da vyrabu pornamateryjałaŭ, paviedamlaje pres-słužba Ministerstva ŭnutranych spraŭ.
Małady čałaviek znajomiŭsia sa svaimi achviarami ŭ sacsietkach. Pry znajomstvie svoj uzrost jon zanižaŭ. U pierapiscy jon razbeščvaŭ chłopčykaŭ, pierakonvaŭ ich rabić intymnyja fota i vysyłać jamu. Milicyja pryvodzić prykłady pierapisak.
Akramia taho, raskazaje supracoŭnik UUS Homielskaj vobłaści Arciom Dubroŭski, ź niekatorym padletkami zatrymany sustrakaŭsia asabista i ździajśniaŭ u dačynieńni da ich «raspusnyja dziejańni».
Na hety momant supracoŭnikam milicyi viadoma ab piaci paciarpiełych z roznych abłaściej, jany praciahvajuć vyznačać inšych paciarpiełych. Śćviardžajecca, što małady čałaviek pierapisvaŭsia z bolš jak 2500 asobami ŭ roznych sacsietkach i byŭ padpisany na tematyčnyja kanały, u jakich šukaŭ dziciačaje porna.
Na maładoha čałavieka zaviali kryminalnyja spravy pa art. 169 KK Biełarusi (raspusnyja dziejańni) i art. 343-1 KK (vyrab i raspaŭsiudžvańnie pornamateryjałaŭ z vyjavaj niepaŭnaletniaha).
