Łukašenka ŭ Łunincy: Miažu z Ukrainaj treba nadziejna abaranić na vypadak niepradkazalnaści, nieadekvatnaści
Miažu z Ukrainaj treba nadziejna abaranić. Pra heta Alaksandr Łukašenka zajaviŭ siońnia ŭ Łuninieckim rajonie na naradzie pa ŭmacavańni vajennaj biaśpieki Biełarusi, piša BiełTA.
«Siońnia my sabralisia tut, u cichim, spakojnym kutku našaj Biełarusi, kab abmierkavać pytańni biaśpieki našaj dziaržavy. Jašče dziesiać hadoŭ tamu nichto i nie dumaŭ, što taki momant, jak siońnia, nastupić i nam pryjdziecca stvarać vajskovyja častki i cełaje abjadnańnie dla abarony našych paŭdniovych miežaŭ. Z bolem u sercy my nazirajem ŭsio toje, što robicca va Ukrainie. Jaje ciapierašniaje palityčnaje kiraŭnictva, znachodziačysia pad vonkavym kiravańniem, pavodzić časam siabie niepradkazalna i nieadekvatna.
Tamu na hety vypadak — niepradkazalnaści, nieadekvatnaści, — i na vypadak, nie daj boh, vajennych dziejańniaŭ nam treba vyznačacca.
Amal 1500 km paŭdniovaj miažy Biełarusi i Ukrainy — heta niemałaja praciahłaść. Čaho b nam ni kaštavała, nam treba nie prosta bačyć, što budzie adbyvacca i adbyvajecca na hetaj miažy, jaje treba nadziejna abaranić», — padkreśliŭ Łukašenka.
Nijakich prykładaŭ «niepradkazalnaści» ŭkrainskich uładaŭ jon nie pryvioŭ. Vypadki pravakacyj Ukrainy ŭ bok Biełarusi taksama nieviadomyja. Naadvarot, Rasija ciapier ściahvaje vojski da Ukrainy. U Biełarusi projduć maštabnyja biełaruska-rasijskija vajskovyja vučeńni. Ekśpierty ŭsurjoz abmiarkoŭvajuć uvarvańnie rasijskich vojskaŭ va Ukrainu.
Čaho choča Rasija i jakim budzie vialikaje ŭvarvańnie RF va Ukrainu. Apublikavanyja scenary
Eskałacyja raście. Dva dyvizijony rakietnych kompleksaŭ S-400 adpravilisia ŭ Biełaruś, Javelin i Stinger pastupiać va Ukrainu
Vajavać z Ukrainaj — varjactva. Dziaržsakratar Blinkien źviarnuŭsia da hramadzian Rasii
