Bolšaść žycharoŭ Kazachstana žyvie na $1300 u hod. Takajeŭ raspavioŭ, što stała parachavoj bočkaj dla pratestaŭ u krainie
Usiaho 162 čałavieki vałodajuć pałovaj bahaćciaŭ Kazachstana, u toj čas jak bolšaść žycharoŭ krainy žyvie na $1300 u hod, zajaviŭ Takajeŭ. Pa jaho słovach, hety razryŭ u dachodach i staŭ asnoŭnaj pryčynaj pratestaŭ
Fota: AP
Padziei pačatku studzienia ŭ Kazachstanie ahalili prablemy, jakija źbiralisia hadami, razryŭ u dachodach pamiž bahatymi i biednymi dasiahnuŭ niedapuščalnaha ŭzroŭniu. Ab hetym zajaviŭ prezident Kazachstana Kasym-Žamart Takajeŭ na sustrečy ź biznesmienami, pieradaje Tengri News.
«Takoje rassłajeńnie ŭ dachodach adyhrała rolu zapałki i parachavoj bočki, čym skarystalisia bajeviki-terarysty i zmoŭščyki, jakija stajać za imi», — skazaŭ Takajeŭ.
Jon taksama pryvioŭ acenku hetaha rassłajeńnia ŭ realnych hrošach. «Mižnarodnyja ekśpierty śćviardžajuć, što ŭsiaho 162 čałavieki vałodajuć pałovaj bahaćciaŭ [krainy]. U toj čas jak u pałovy nasielnictva dachody nie pieravyšajuć i 50 tysiač tenhie. Heta krychu bolš za $1300 u hod. Na takija hrošy pražyć niemahčyma, situacyju treba terminova mianiać», — skazaŭ Takajeŭ.
Pa słovach prezidenta, Kazachstana patrebnyja realnyja reformy, jakija adpaviadajuć intaresam hramadzian krainy, jon prapanavaŭ biznesmienam «terminova prystupić «da sumiesnaj pracy pa pierazahruzcy ekanamičnaj palityki i vyznačyć «novyja praviły hulni» — «sumlennyja i spraviadlivyja».
Źviartajučysia da pradprymalnikaŭ, kiraŭnik dziaržavy taksama vykazaŭ upeŭnienaść, što ŭ reformach zacikaŭleny mienavita bujny biznes, «naša buržuazija». Bo biznes-elicie našaj krainy jość što hublać», — rastłumačyŭ jon.
Ci stanie Takajeŭ kazachstanskim Harbačovym?
