Łukašenka paŭtorna pierachvareŭ na kavid
Ën miarkuje, što na hety raz jon zaraziŭsia «amikronam». Pra heta jon raskazaŭ na sustrečy z kiraŭnikom Respubliki Tyva Rasijskaj Fiederacyi.
Alaksandr Łukašenka. Skrynšot ź videa.
«My zaŭvažajem, što hety «amikron» — heta zusim inšy virus. Moža, ja padazraju, my skacilisia ŭžo da zvyčajnaha hrypu. Ja kažu heta jak čałaviek, jaki sam druhi raz ‒ užo na hety «amikron» ‒ pierachvareŭ», — skazaŭ Łukašenka.
Jon adznačyŭ, što pieranios chvarobu na nahach. Zaŭvažyŭ, što chvareje, nibyta «tolki ŭ kancy, kali niejki tam test zrabili».
U kancy lipienia 2020 hoda Łukašenka ŭžo zajaŭlaŭ, što bieśsimptomna pierachvareŭ na kavid i pieranios jaho na nahach.
Pry hetym hołas Alaksandra Łukašenki zastajecca asipłym. Pieršy raz heta stała zaŭvažna na ŭručeńni premii «Za duchoŭnaje adradžeńnie» 11 studzienia, dzieviać dzion tamu.
U pieryjad miž 11-m i 20-m studzienia jon praciahvaŭ pieryjadyčna pravodzić pracoŭnyja sustrečy.
Na sustrečy z kiraŭnikom Tyvy 20 studzienia Alaksandr Łukašenka byŭ biez maski, jak i padčas astatnich svaich publičnych źjaŭleńniaŭ u studzieni.
