SAAZ prapanavała źniać abmiežavańni na mižnarodnyja pajezdki z-za ich nieefiektyŭnaści
Kamitet pa nadzvyčajnaj situacyi, stvorany kiraŭnikom Suśvietnaj arhanizacyi achovy zdaroŭja ŭ suviazi z pandemijaj kavidu, rekamiendavaŭ źniać abo asłabić abmiežavańni na padarožžy pamiž krainami.
Takaja rekamiendacyja była pryniataja pa vynikach čarhovaha pasiadžeńnia kamiteta, jakoje adbyłosia 19 studzienia.
Abmiežavańni na pieramiaščeńni pamiž krainami, havorycca ŭ vynikovaj zajavie, tolki «spryjajuć ekanamičnamu i sacyjalnamu stresu, ź jakim sutykajucca dziaržavy», ale nie prynosiać vyniku.
Tak, ukazvajecca ŭ dakumiencie, abmiežavańni na mižnarodnyja pajezdki nijak nie pieraškodzili raspaŭsiudžvańniu varyjanta karanavirusa «amikron».
Taksama Kamitet pa nadzvyčajnych situacyjach paŭtaryŭ rekamiendacyi, jakija tyčacca mižnarodnych pajezdak.
U pryvatnaści, u SAAZ znoŭ zaklikali nie ličyć pradjaŭleńnie dokazaŭ vakcynacyi ad COVID-19 abaviazkovaj umovaj dla pajezdki, u tym liku z-za niaroŭnaj dastupnaści pryščepak u roznych krainach.
Zamiest patrabavańnia siertyfikataŭ ab vakcynacyi, ličyć Kamitet pa nadzvyčajnaj situacyi, varta šyrej ŭžyvać inšyja miery, naprykład, testavańnie abo izalacyju/karancin. Pry hetym u SAAZ ličać, što takija miery «nie pavinny stvarać finansavaj nahruzki na asob, jakija ździajśniajuć mižnarodnyja pajezdki».
