Apublikavany biudžet Minska na 2022 hod, jon budzie deficytnym
Biudžet stalicy ŭ 2022 hodzie budzie deficytnym. Vydatki pieravyšajuć dachody na 200 młn rubloŭ.
Na Nacyjanalnym pravavym internet-partale apublikavanaje rašeńnie Minharsavieta №342 ad 24 śniežnia. Im zaćvierdžany biudžet stalicy na 2022 hod. Vydatki biudžetu zapłanavanyja na ŭzroŭni 7,1 młrd rubloŭ, a dachody — 6,9 młrd. Deficyt vyznačany ŭ 200 młn rubloŭ, paviedamlaje reform.by.
U stalicy płanujuć sabrać 6,4 młrd padatkaŭ, u tym liku 3,25 młrd rubloŭ padachodnaha padatku ź fizičnych asob i 1,85 młrd rubloŭ padatku na prybytak. Pastupleńni ad padatku na nieruchomaść zapłanavanyja na ŭzroŭni 310,27 młn rubloŭ, a ad padatku za vałodańnie sabakami — 373,8 tys. rubloŭ.
Niepadatkovyja dachody vyznačanyja ŭ pamiery 425,3 młn rubloŭ, u tym liku 46,38 młn rubloŭ dyvidendaŭ, 11,05 młn rubloŭ štrafaŭ i 345 tys. rubloŭ dachodaŭ ad kanfiskavanaj majomaści.
Haradskija ŭłady majuć namier vydatkavać na ahulnadziaržaŭnuju dziejnaść 1,53 młrd rubloŭ, u tym liku 67,86 młn rubloŭ na dziaržorhany ahulnaha pryznačeńnia i 67,55 młn rubloŭ na orhany miascovaha kiravańnia i samakiravańnia, 123,9 młn rubloŭ buduć zaličanyja ŭ reziervovyja fondy, a 1,2 młrd rubloŭ pieradadzienyja ŭ biudžety inšych uzroŭniaŭ.
Minski haradski biudžet vydatkuje 1,85 młn rubloŭ na nacyjanalnuju abaronu, 44,45 młn rubloŭ na sudovuju ŭładu i siłavikoŭ.
Vydatki na nacyjanalnuju ekanomiku zapłanavanyja ŭ pamiery 935,86 młn rubloŭ, ź jakich 733,93 młn rubloŭ buduć patračanyja na transpart, u tym liku:
na aŭtamabilny — 199,13 młn rubloŭ,
na haradski elektryčny — 178,73 młn rubloŭ,
na mietrapaliten — 360,46 młn rubloŭ.
ŽKP i žyllovaje budaŭnictva buduć prafinansavanyja na 1,04 młrd rubloŭ, ź jakich pałova pryznačanaja na dobraŭparadkavańnie.
Vydatki Minska na achovu zdaroŭja składuć 1,73 młrd rubloŭ. Na fizkulturu, kulturu i ŚMI biudžet stalicy vydatkuje 183,15 młn rubloŭ, u tym liku 10,2 młn rubloŭ — na ŚMI, ź jakich 4,9 młn rubloŭ atrymaje telebačańnie i radyjoviaščańnie, a 5,3 młn rubloŭ — drukavanyja ŚMI i vydaviectvy.
Adukacyja zapatrabuje 1,4 młrd rubloŭ, a sacyjalnaja palityka — 228,5 młn.