Kancler Hiermanii Šolc: Rasija pavinna pryznać, što siła ŭ praŭdzie
U vystupleńni, padrychtavanym dla Suśvietnaha ekanamičnaha forumu, Ołaf Šolc prapanavaŭ Rasii admovicca ad kanfrantacyi, acanić vyhadu ad supracoŭnictva z Zachadam i pryznać, što siłavoje rašeńnie kanfliktu na Ukrainie niemahčymaje, pieradaje Bloomberg.
Fota: Maja Hitij / Getty Images
Niamiecki kancler padkreśliŭ, što Hiermanija hatova abaranić Ukrainu ad rasijskaj ahresii, i zaklikaŭ Maskvu skarystacca vyhadami supracoŭnictva ź Bierlinam. Pa jahonych słovach, Rasii para pryznać, što siła ŭ praŭdzie (right makes might) — vykazvańnie, dobra viadomaje na postsavieckaj prastory pa filmu «Brat-2».
«Rasijski bok viedaje ab našaj rašučaści. Spadziajusia, jana taksama ŭśviedamlaje, što vyhady ad supracoŭnictva pieravažvajuć canu dalejšaj kanfrantacyi», — zajaviŭ Šolc.
