ICAO vydała spravazdaču ab prymusovaj pasadcy ŭ Minsku samalota Ryanair
Mižnarodnaja arhanizacyja hramadzianskaj avijacyi (ICAO) vydała spravazdaču pa ŭstanaŭleńni faktaŭ adnosna pasadki ŭ minskim aeraporcie rejsa Ryanair FR4978, na jakim lacieli Raman Pratasievič i jaho dziaŭčyna Sofja Sapieha. Dakład byŭ pradstaŭleny ŭsim 193 dziaržavam-členam arhanizacyi, u tym liku 36 krainam, jakija abranyja ŭ śpiecyjalnuju Radu.
Paviedamlajecca, što spravazdača zasnavanaja vyklučna na infarmacyi i źviestkach, jakija krainy padali ŭ rasparadžeńnie ICAO, i ŭklučaje ŭ siabie ekspłuatacyjnyja padrabiaznaści, techničny analiz roznych mieraŭ i pryniatych rašeńniaŭ.
Taksama dajucca spasyłki, dzie heta mahčyma, na Čykahskuju kanviencyju ab mižnarodnaj hramadzianskaj avijacyi i adpaviednyja mižnarodnyja jurydyčnyja instrumienty.
Dakład byŭ składzieny śpiecyjalnaj hrupaj pa rasśledavańni, u skład jakoj uvajšli ekśpierty ICAO ŭ halinie avijacyjnaj biaśpieki, ekspłuatacyi pavietranych sudnaŭ, aeranavihacyi i mižnarodnaha pavietranaha prava.
31 studzienia pradstaŭniki Savieta ICAO praviaduć dyskusiju na asnovie vysnoŭ dakłada i vyrašać, što rabić dalej. U hety ž dzień budzie razhledžany zapyt Biełarusi adnosna taho, što ŭłady krainy ličać niezakonnymi abmiežavańni i sankcyi, uviedzienyja paśla incydentu z rejsam Ryainair.
Čytajcie taksama:
Na kanale ANT vyjšaŭ 15-chvilinny siužet «Tajamnicy rejsa Afiny — Vilnia». Ci raskryvajucca tam jakija tajamnicy?
Polskija śpiecsłužby: Samalot z Pratasievičam dapamahaŭ sadžać aficer KDB. A što kazali biełarusy?
Polskija śpiecsłužby pradstavili svaju viersiju incydentu z samalotam Ryanair
New York Times: Avijadyśpietčar źbieh ź Biełarusi ŭ Polšču i raskazaŭ pra pasadku Ryanair
