Słužba biaśpieki Ukrainy: Zajava Łukašenki — palityčnaja manipulacyja
U Słužbie biaśpieki Ukrainy nazvali siońniašniuju zajavu Alaksandra Łukašenki pra nibyta ściahvańnie ŭkrainskich vojskaŭ na miažu ź Biełaruśsiu «častkaj infarmacyjnaj vajny».
Načalnik upraŭleńnia SBU pa ŭzajemadziejańni sa srodkami masavaj infarmacyi i hramadzkaściu Arciom Dziechciarenka skazaŭ:
«Manipulatyŭnyja zajavy prakramloŭskich palitykaŭ i pradstaŭnikoŭ dziaržaŭ-satelitaŭ Rasijskaj Fiederacyi pra nibyta naroščvańnie Ukrainaj pablizu ŭłasnych miežaŭ «nacyjanalistaŭ-radykałaŭ», jakija nibyta «pochleŝie, čiem natovskije vojennosłužaŝije», nie adpaviadajuć rečaisnaści i jość palityčnaj manipulacyjaj dy častkaj infarmacyjnaj vajny suprać Ukrainy».
Akramia taho, jon zaklikaŭ ukrainskija i mižnarodnyja ŚMI staranna praviarać takuju infarmacyju, kab nie spryjać realizacyi śpiecyjalna zadumanych infarmacyjnych apieracyj.
Alaksandr Łukašenka 17 studzienia zajaviŭ pra zadumu sumiesnych z Rasiejaj vučeńniaŭ i raskazaŭ pra «10 tysiač amierykancaŭ na miežach». Asobna jon dadaŭ, što jaho naściarožvaje situacyja i na «paŭdniovych rubiažach», dzie z boku Ukrainy nibyta idzie naroščvańnie vajskovaha kantynhientu.
Łukašenka: La miežaŭ Biełarusi idzie naroščvańnie vajennaha kantynhientu Ukrainy
