Krynicy: MZS prymušaje amierykancaŭ radykalna skaracić kolkaść štatu pry pasolstvie, ažno da zakryćcia
Jak stała viadoma «Našaj Nivie», na minułym tydni ŭ biełaruskim MZS była sustreča z pasłami vialikich zachodnich krain, jakim davodziłasia pazicyja ŭładaŭ pa refierendumie.
Karystajučysia nahodaj, łukašenkaŭskaje MZS vystaviła amierykancam patrabavańnie istotna skaracić kolkaść piersanału pry dypłamatyčnaj misii. Havorka idzie pra skaračeńnie dziasiatkaŭ ludziej. Što praŭda, havorka pieradusim pra biełarusaŭ, jakija pracujuć na pasolstva: analityki, pierakładčyki i hetak dalej.
Pasolstva ZŠA ŭ Minsku. Fota ź Vikipiedyi
«Zastaniecca tolki naminalnaja kolkaść piersanału, a ŭvohule im skazana rychtavacca da taho, što na dźviery pasolstva budzie paviešany zamok», — paviedamiła krynica.
Sama pasoł ZŠA ŭ Biełarusi Džuli Fišar z momantu svajho pryznačeńnia nie była ŭ Minsku.
Čytajcie taksama: Džuli Fišer: My dapamožam zabiaśpiečyć niezaležnaść Biełarusi na pakaleńni napierad
