U minskim aeraporcie zatrymali hramadzianina Armienii, jakoha na radzimie vinavaciać u zabojstvie
Padčas pravierki dakumientaŭ u pasažyraŭ rejsa Batumi — Minsk u Nacyjanalnym aeraporcie zatrymali hramadzianina Armienii. Na radzimie jon abvinavačvajecca ŭ zabojstvie, zamachu na zabojstva i niezakonnym abychodžańni z ahniastrelnaj zbrojaj.
Jak paviedamlaje Pamiežny kamitet, supracoŭnik pahrankantrolu zaŭvažyŭ, što 24-hadovy armianin pakazaŭ jamu čužy pašpart. Zamiežnika zatrymali da vyśviatleńnia asoby.
Paźniej pamiežniki vyśvietlili, što ŭ Armienii žychara Jerevana abvinavačvajuć u zabojstvie, zamachu na zabojstva i niezakonnym nabyćci i zachoŭvańni ahniastrelnaj zbroi. U vieraśni 2021 hoda jon padčas sprečki ŭ restaranie zrabiŭ 15 strełaŭ u svajho apanienta i siabroŭ.
Pamiežny kamitet dadaje, što ciapier vyrašajecca pytańnie ab raspačynańni kryminalnaj spravy za vykarystańnie padroblenaha dakumienta (artykuł 380 KK) i nakont ekstradycyi abvinavačanaha.
U aeraporcie Minska zatrymali eks-kiraŭnika administracyi Staŭrapala
