Viaskoŭca abvinavacili ŭ tym, što jon trucić susiedskich sabak i katoŭ. Jon pajšoŭ u sud z-za paklopnictva i vyjhraŭ jaho
U adnoj ź viosak Šarkaŭščynskaha rajona pačali chadzić čutki, što adzin ź jaje žycharoŭ trucić susiedskich sabak i katoŭ. Aburany viaskoviec padaŭ na paklopnika ŭ sud i jaho vyjhraŭ.
21 śniežnia 2021 hoda sud Šarkaŭščynskaha rajona razhledzieŭ pazoŭ ab abaronie honaru i hodnaści. U kanflikt ustupili dva adnaviaskoŭcy: adzin śćviardžaŭ, što susied atruciŭ jahonaha sabaku i katoŭ inšaha žychara, inšy ž heta admaŭlaŭ i aburaŭsia, što takija čutki jahony niadobrazyčliviec raspuskaje pa ŭsioj vioscy. U rešcie rešt musiŭ źviarnucca z pazovam u sud.
Za maralnuju škodu, «jakaja prajaviłasia ŭ maralnych i fizičnych pakutach», pazoŭnik patrabavaŭ spahnać z paklopnika na svaju karyść 200 rubloŭ, a taksama abaviazać adkazčyka abvierhnuć chłuśniu.
Sud staŭ na bok pazoŭnika, pakolki nijakich dokazaŭ praŭdzivaści infarmacyi pra atručvańnie pradstaŭlena nie było. I choć adkazčyk svaju vinu nie pryznaŭ, pavodle sudovaha rašeńnia jon usio ažno abaviazany vypłacić apanientu kampiensacyju maralnaj škody ŭ pamiery 100 rubloŭ, plus 174 rubli dziaržaŭnaj pošliny.
