Što viadoma pra mužčynu, jakoha vinavaciać u padryvie aŭto kala Centralnaha RUUS?
Dniami SK paviedamiŭ, što zatrymali čałavieka, jaki padarvaŭ milicejskaje aŭto kala Centralnaha RUUS. Asobu tady nie raskryli, pakazali zablurany tvar. Ź niekalkich krynic stała viadoma, što aryštavany — 45-hadovy Maksim Sielaźnioŭ. Fakt zatrymańnia «Našaj Nivie» paćvierdzili jaho znajomyja. Raskazvajem padrabiaznaści.
Sielaźnioŭ minčuk. Maje vyšejšuju adukacyju. Mužčyna ŭ razvodzie.
Kaliści jon pracavaŭ achoŭnikam, paśla budaŭnikom. Potym adkryŭ IP — staviŭ pomniki na mohiłkach. Apošni čas byŭ biespracoŭnym.
Znajomyja pryhadvajuć, što Maksim słužyŭ terminovuju słužbu ŭ adnoj ź minskich čaściej «śpiecnaza».
Sielaźnioŭ žyŭ pobač z Centralnym RUUSam — kala taho samaha, dzie padarvali aŭto.
Jak raniej paviedamlała milicyja, zdareńnie adbyłosia ŭ noč z 7 na 8 studzienia niedaloka ad budynka Centralnaha RUUS Minska. Zatrymany mužčyna raniej nie sudzimy. Za padryŭ aŭto zaviedziena kryminalnaja sprava pa artykule 289 (akt teraryzmu, učynieny paŭtorna).
Paźniej śledčyja dadali, što toj ža mužčyna nočču na 13 studzienia nibyta takim ža čynam paškodziŭ kijosk «Tabakierka» i urnu niepadalok ad doma 91 na Staravilenskim trakcie.
«Vykanaŭca, imavierna, były vajskoviec». Ekśpiert razabraŭ videa padryvu milicejskaj mašyny
MUS paćvierdziła padryŭ milicejskaha aŭto kala RUUSa. Padazravanaha zatrymali
