Dačka Julii Čarniaŭskaj pra razmovu z maci: Ja prosta vyła, kryčała, płakała, nie mahła dychać
Dačka Julii Čarniaŭskaj Jaŭhienija padzialiłasia ŭ Fejsbuku emocyjami ad razmovy z maci, jakuju nie bačyła vosiem miesiacaŭ.
«MAMAAAAAAAAAAA! Ja prosta vyła, kryčała, płakała, nie mahła dychać. Dla mianie heta zusim raptoŭna, bieź jakich-niebudź pieradumoŭ, tłumačeńniaŭ i idej, čamu mienavita ciapier. Prosta heta adbyłosia.
Mamačka ciapier moža vychodzić z domu i stała dastupnaja dla kantaktu! Na žal, jana nie moža prakamientavać i adkazvać na jurydyčnyja pytańni», — napisała Jaŭhienija Čarniaŭskaja.
Skrynšot sa staronki ŭ Fejsbuku Jaŭhienii Čarniaŭskaj
***
Pra vyzvaleńnie Julii Čarniaŭskaj z-pad chatniaha aryštu stała viadoma siońnia. Paśla 18 maja, dnia razhromu «Tutbaja», udava zasnavalnika partała Juryja Zisiera znachodziłasia pad chatnim aryštam.
Imavierna, Julija Čarniaŭskaja zastajecca ŭ statusie padazravanaj pa kryminalnaj spravie ab uchileńni ad vypłaty padatkaŭ u asabliva bujnym pamiery (častka 2 artykuła 243 Kryminalnaha kodeksa).
Jaŭhienija Čarniaŭskaja: Maju mamu ŭtrymlivajuć jak zakładnika
Julija Čarniaŭskaja praz advakata raskazała, jak žyvie pad chatnim aryštam
Jaŭhienija Čarniaŭskaja: Malu tych, chto viadzie spravu, dazvolić mamie prahułki
