U Biełarusi źjavicca novaje ministerstva
Novaje Ministerstva ličbavaha raźvićcia i suviazi stvorać na bazie Ministerstva suviazi i infarmatyzacyi.
Hetaje pytańnie abmiarkoŭvali na naradzie Łukašenki z členami ŭrada.
«Z adnaho boku, dziakujučy burnamu raźvićciu ličbavych technałohij, śviet sapraŭdy staŭ mianiacca vielmi chutka. I nam nieabchodna vykarystoŭvać usie pieravahi hetych pracesaŭ. Ź inšaha, varta pamiatać i razumieć, što dziaržava ŭ pryniaćci rašeńniaŭ pa rehulavańni hetaj śfiery pavinna pracavać na apiaredžańnie», — skazaŭ Alaksandr Łukašenka.
Jon adznačyŭ, što ŭ Biełarusi stvoranaja nieabchodnaja bazavaja infrastruktura: pabudavanaja raźvitaja sietka pieradačy danych, nadziejnyja centry ich apracoŭki i zachoŭvańnia, ukaranionyja sučasnyja srodki abarony infarmacyi.
«Mabyć, hetaha niedastatkova. Ličbavaja śfiera pavinna nie tolki palapšać pobyt ludziej, ale i praz vysokaefiektyŭnyja vytvorčaści pavyšać ich dabrabyt. Bolš uvahi nieabchodna nadavać cyfravizacyi realnaha siektara ekanomiki, zabieśpiačeńniu kankurentazdolnaści pradpryjemstvaŭ», — zajaviŭ Łukašenka.
