Va Uruččy bolš za 200 damoŭ zastalisia bieź ciapła i haračaj vady
Avaryja adbyłasia na mini-CEC pa vulicy Skaryny, 48, pałamałasia pompa. Prablemu abiacajuć vyrašyć ciaham niekalkich hadzin.
Bolš za 200 damoŭ va Uruččy hetym viečaram zastalisia biez aciapleńnia i haračaha vodazabieśpiačeńnia.
Choładna ŭ kvaterach na vulicach Nikifarava, Rusijanava, Skaryny, Prahramistaŭ, Starynaŭskaj i praśpiekcie Niezaležnaści.
Hałoŭny inžynier UP «Minskkamunciepłasietka» Hienadź Łukaševič paviedamiŭ ahienctvu «Minsk-Naviny», što robiacca ŭsie nieabchodnyja zachady, kab jak najchutčej vyrašyć prablemu. Dla likvidacyi zdareńnia zadziejničanyja ŭsie nieabchodnyja siły.
Čakajecca, što padača ciapła i haračaj vady budzie adnoŭlena na praciahu 3—5 hadzin.
Pa słovach surazmoŭcy, adklučeńnie pompy, jakoje pryviało da zboju ŭ pracy aciapleńnia i haračaha vodazabieśpiačeńnia, adbyłosia kala 18.30. Uvieś nieabchodny piersanał vyviedzieny ciapier na pracu, kab pry nieabchodnaści apieratyŭna pravieści zapusk sistemy.
