Žycharu Lepielskaha rajona, jaki chacieŭ uzarvać aŭtamabil z žonkaj, dali 14 hadoŭ kałonii
Žychar Lepielskaha rajona atrymaŭ 14 hadoŭ kałonii za sprobu padryvu mašyny z žonkaj. Prysud vynies Viciebski abłasny sud.
Mužčynu sudzili pa troch artykułach Kryminalnaha kodeksa: č. 2 art. 295 (niezakonnaje nabyćcio, zachoŭvańnie i našeńnie vybuchovych rečyvaŭ i vybuchovaj pryłady); č. 3 art. 295 (niezakonny vyrab, zachoŭvańnie i našeńnie vybuchovaj pryłady, učynienaje paŭtorna); art. 14, p. 5 č. 2 art. 139 (zamach na naŭmysnaje supraćpraŭnaje pazbaŭleńnie žyćcia inšaha čałavieka (zabojstva), učynienaje ahulnaniebiaśpiečnym sposabam).
Jon pryznaŭ svaju vinu častkova.
Sud prysudziŭ jaho da 14 hadoŭ pazbaŭleńnia voli ŭ kałonii ŭzmocnienaha režymu sa štrafam 150 bazavych vieličyń (4800 rubloŭ), a taksama da prymusovaha lačeńnia ad chraničnaha ałkahalizmu. Sud taksama abaviazaŭ vypłacić kampiensacyju maralnaj škody ŭ pamiery 10 tysiač rubloŭ jaho žoncy.