Były kiraŭnik MZS Polščy — Rasii: Paleziecie — atrymajecie pa jajcach
Radasłaŭ Sikorski rezka prakamientavaŭ zajavy ministra zamiežnych spraŭ Rasii Siarhieja Łaŭrova nakont byłych krain sacłahiera.
«Zrazumiejcie heta ŭ Rasii raz i nazaŭždy, na zrazumiełaj vam movie. My nie vašy siroty, bo vy nie byli našym tatam. Chutčej, sieryjnym hvałtaŭnikom. Voś tamu pa vas nie buduć sumavać. A kali pasprabujecie jašče raz, to atrymajecie ŭdar pa jajcach», — napisaŭ u Twitter deputat Jeŭraparłamienta i eks-kiraŭnik Minabarony i MZS Polščy Radasłaŭ Sikorski.
Hetaja zajava była apublikavanaja ŭ adkaz na tvit rasijskaha pasolstva ŭ Vialikabrytanii, jakoje pracytavała ministra Łaŭrova.
«NATA stała čysta hieapalityčnym prajektam, nakiravanym na zachop terytoryj, jakija asiracieli ŭ vyniku raspadu Arhanizacyi Varšaŭskaj damovy i Savieckaha Sajuza», — skazaŭ kiraŭnik rasijskaha MZS.
