U SAAZ zajavili ab ryzycy zaražeńnia pałovy Jeŭropy «amikronam» za dva miesiacy
Bolš za pałovu nasielnictva Jeŭropy ŭ najbližejšyja paŭtara-dva miesiacy zarazicca novym amikron-štamam. Pra heta paviedamiŭ dyrektar Jeŭrapiejskaha rehijanalnaha biuro SAAZ Chans Kluhie, spasyłajučysia na źviestki Amierykanskaha instytuta pakazčykaŭ zdaroŭja i ich acenki.
«Instytut pakazčykaŭ zdaroŭja i ich acenki (IHME) prahnazuje, što bolš za 50% nasielnictva [jeŭrapiejskaha] rehijona buduć infikavanyja amikronom ŭ nastupnyja 6-8 tydniaŭ», — zajaviŭ Kluhie.
Pavodle jaho słoŭ, danyja, sabranyja za apošnija tydni, paćviardžajuć, što amikron vałodaje vysokaj tranśmisiŭnaściu, bo mutacyi, jakija jon maje, dazvalajuć jamu lahčej prymacoŭvacca da kletak čałavieka, i jon moža zarazić navat tych, chto raniej byŭ infikavany abo vakcynavany.
Kab źnizić ryzyki, nieabchodna nasić maski (u tym liku reśpiratary dla uraźlivych hrup hramadzian), vakcynavacca, prytrymlivacca sacyjalnaj dystancyi i paźbiahać vialikich zboraŭ ludziej.
«Moj klučavy pasył: kožny čałaviek pavinien rabić usio, kab minimizavać mahčymaść zaražeńnia», — skazaŭ Kluhie.
