Namieśnik ministra zamiežnych spraŭ Alejnik znachodzicca ź vizitam u Vatykanie
10—11 studzienia namieśnik ministra zamiežnych spraŭ, pasoł Biełarusi pry Śviatym Pasadzie (pa sumiaščalnictvie) Siarhiej Alejnik ździajśniaje vizit u Vatykan.
10 studzienia Alejnik uziaŭ udzieł va ŭračystaj navahodniaj aŭdyjencyi Papy Francyska dla dypłamatyčnaha korpusa, akredytavanaha pry Śviatym Pasadzie.
Paśla aŭdyjencyi adbylisia pieramovy ź dziaržaŭnym sakratarom Pjetra Paralinam.
«Byli abmierkavanyja aktualnyja pytańni dvuchbakovaha supracoŭnictva, uzajemadziejańnie ŭ miežach mižnarodnych arhanizacyj, a taksama sumiesnyja namahańni pa ŭmacavańni mižkanfiesijnaha dyjałohu» — paviedamlaje catholic.by.
Taksama zapłanavanyja sustrečy Siarhieja Alejnika z cakratarom pa adnosinach ź dziaržavami (ministram zamiežnych spraŭ) Dziaržaŭnaha Sakrataryjata Śviatoha Pasadu arcybiskupam Połam Ryčardam Hałachieram i Staršynioj Papskaj rady spryjańnia chryścijanskamu adzinstvu kardynałam Kurtam Kocham.