U ZŠA pamior miljanier, jakoha try miesiacy tamu asudzili da pažyćciovaha źniavoleńnia
U kastryčniku 2021-ha kalifarnijski sud pakaraŭ Robierta Dziorsta za zabojstva ŭ 2000 hodzie jahonaj siabroŭki Śjuzan Bierman. A da hetaha ŭ 1982-m jon zabiŭ svaju žonku, paviedamlaje Reuters.
Robiert Dziorst. Fota: Robyn Beck / AP
Prysiažnyja pryznali 78-hadovaha mahnata ŭ śfiery nieruchomaści Dziorsta vinavatym jašče ŭ siaredzinie vieraśnia. Pavodle kalifarnijskich zakonaŭ, vinavatyja ŭ zabojstvie pry asablivych abstavinach mohuć być asudžanyja da śmiarotnaha pakarańnia albo da pažyćciovaha źniavoleńnia. Prakuratura Łos-Andželesa nie stała patrabavać dla Dziorsta śmiarotnaha pakarańnia, bo ŭ hetym štacie ŭviedzieny na jaho maratoryj.
Prakuratura ličyć, što Dziorst streliŭ Śjuzan Bierman u hałavu. Pa viersii abvinavačvańnia, jon pryznaŭsia siabroŭcy, što zabiŭ svaju žonku, a zatym byŭ vymušany zabić i jaje, kab zamieści ślady.
Dziorst pryznaŭsia ŭ zabojstvie siabroŭki vypadkova, dapuściŭšy nieaściarožnaść padčas zdymak dakumientalnaha filma «Praklon: žyćcio i śmierci Robierta Dziorsta», jaki vypuściła kampanija HBO.
«Nu voś i ŭsio. Ciabie złavili. Što ja zrabiŭ? Zabiŭ ich usich», — skazaŭ jon, kali adyšoŭ u vanny pakoj, zabyŭšysia źniać ź siabie mikrafon.
