Izrail pryznaŭ «Sputnik V». Biełarusam ciapier budzie praściej tudy jeździć
Izrail ź siońniašniaha dnia adkryvaje miežy dla hramadzian zamiežnych dziaržaŭ, jakija nie raniej čym za 6 miesiacaŭ i nie paźniej čym za 14 dzion da daty ŭjezdu zrabili pryščepku ad karanavirusa. Pry hetym pryznajucca jak vakcyny, aficyjna ŭchvalenyja SAAZ, tak i rasijski «Sputnik V».
Fota: 3d_generator / depositphotos.com
Izrail aficyjna admianiŭ tak zvany čyrvony śpis krain i dazvoliŭ ujezd ź ich vakcynavanym. Niahledziačy na raspaŭsiudžvańnie ŭ śviecie novaha štama «amikron», u zabaronie na ŭjezd, raniej praciahnutaj u kancy listapada, ciapier, na dumku izrailskich uładaŭ, nieabchodnaść adpała.
Praŭda, najaŭnaść pryščepki nie admianiaje patreby rabić PŁR-test. Admoŭny jaho vynik treba budzie prademanstravać pry pasadcy ŭ samalot. A paśla prybyćcia ŭ Izrail padarožnikam treba budzie zdać jašče adzin test i da atrymańnia jaho vynikaŭ abo ciaham 24 hadzin adbyć karancin.
Čamu rekordna šmat chvorych na kavid u krainach z vysokimi ŭzroŭniami vakcynacyi
