MUS Kazachstana: Kolkaść zatrymanych pieravysiła 5 tysiač čałaviek
MUS Kazachstana paviedamlaje pra 5 135 zatrymanych u vyniku masavych pratestaŭ.
Pra heta zajaviŭ v.a. ministra ŭnutranych spraŭ krainy Jerłan Turhumbajeŭ u efiry telekanała «Chabar 24».
Raspačali 125 dasudovych rasśledavańniaŭ.
Nahadajem, pratesty ŭ Kazachstanie pačalisia 2 studzienia. Amal va ŭsich bujnych haradach Kazachstana adbylisia sutyknieńni pamiž pratestoŭcami i siłavikami.
5 studzienia ŭrad Kazachstana adpravili ŭ adstaŭku.
5 studzienia ŭ Kazachstanie praciahvalisia sutyknieńni, u Ałmaty ludzi zachapili akimat (haradskuju administracyju). Paśla stała viadoma ab zachopie aeraporta Ałmaty. Ułady horada pačali «antyterarystyčnuju apieracyju». Nadzvyčajnaje stanovišča było ŭviedzienaje na ŭsioj terytoryi Kazachstana.
5 studzienia prezident Kasym-Žamart Takajeŭ źviarnuŭsia da ADKB z prośbaj uvieści vojski dla baraćby z «terarystami».
Takajeŭ daŭ ukazańnie armii stralać na paražeńnie pa mitynhoŭcach.
U krainie byli zabityja i paranienyja dziasiatki ludziej, jak z adnaho, tak i ź inšaha boku.