«Andrej śmiarotna chvory». Palitviaźniu Andreju Vojniču patrabujecca terminovaja apieracyja
Maci aktyvista «Jeŭrapiejskaj Biełarusi» Andreja Vojniča, asudžanaha da 7 hadoŭ kałonii, raspaviała pra prablemy sa zdaroŭjem svajho syna.
«Andrej śmiarotna chvory. U jaho cyroz piečani paśla virusnaha hiepatytu, cukrovy dyjabiet, puchlina nad nadnyračnikami, vydaleny žoŭcievy puzyr i mnostva źviazanych z hetym uskładnieńniaŭ. Jon maje patrebu ŭ terminovaj pierasadcy piečani, da aryštu kožny miesiac naviedvaŭ transpłantołaha.
Jak tolki Andreja etapavali ŭ PK-15, bolš za miesiac ad jaho nie było ni listoŭ, ni zvankoŭ. Jak akazałasia, majho syna dva razy trymali ŭ ŠIZA.
Niadaŭna sprava ssunułasia ź miortvaj kropki: Andrej prajšoŭ miedahlad, jamu ablehčyli pracu, jon vyjšaŭ na suviaź.
Listy ad siabroŭ i inšych svajakoŭ jamu nie pieradajuć, pieradač i spatkańniaŭ jon taksama pazbaŭleny. U turmie ŭ jaho niama mahčymaści padtrymlivać admysłovuju dyjetu».
