Śviedku zatrymańnia zahinułaha žychara Rečycy Dźmitryja Uschopava evakujavali ź Biełarusi
28-hadovy Alaksandr Žohal byŭ apošnim ź blizkich, chto bačyŭ Dźmitryja žyvym. U suviazi z aryštami siabroŭ Dźmitryja Uschopava ŭ Rečycy, Alaksandra evakujavali ź Biełarusi. Jon u biaśpiecy. Pra heta ŭ Facebook paviedamiŭ Andrej Stryžak.
Raniej stała viadoma pra evakuacyju ź Biełarusi rodnych Dźmitryja. Kaho mienavita, padrabiaznaściej nie było.
27-hadovy žychar Rečycy byŭ zatrymany milicyjaj uviečary 31 śniežnia ŭ niećviarozym stanie. Praź niekalki hadzin jon pamior u pryjomnym pakoi balnicy, kudy jaho dastavili na milicejskaj mašynie (pavinny byli na «chutkaj dapamozie»).
Svajaki Uschopava ličać, što chłopca źbivali ŭ milicyi i heta mahło stać pryčynaj jahonaj zaŭčasnaj śmierci.
U dzień pachavańnia zatrymali siabroŭ Dźmitryja. Milicyja zajaviła, što jany datyčnyja da niezakonnaha abarotu narkotykaŭ. Pryčynaj śmierci Uschopava nazvali atručvańnie ałkaholem i tetrahidrakanabinołam ‒ rečyvam z kanopli.
Tetrahidrakanabinoł ‒ adziny kanabinoid, dazvoleny ŭ šerahu krainaŭ dla ŭžyvańnia ŭ miedyčnych metach.
Źjaviłasia videa, jak Uschopaŭ sam zachodzić u RAUS. Praź dźvie hadziny jon budzie miortvy
U Rečycy zatrymlivajuć siabroŭ Źmitra Uschopava, jaki pamior u navahodniuju noč paśla zatrymańnia milicyjaj
